Descubren en Escocia un calendario con 10000 anos de antigüidade

Un equipo de arqueólogos británicos descubriu o que creen é o calendario máis antiguo do mundo, creado por sociedades de cazadores-recolectores arredor do ano 8.000 a. C.

Trátase dun monumento mesolítico (era entre o Paleolítico e o Neolítico) excavado en Aberdeenshire, Escocia, en 2004, por expertos da U. de Birmingham, e consiste nunha serie de 12 ocos que parecen imitar as fases da Lúa e os meses lunares. Segundo os expertos, ten cinco mil anos máis co calendario mesopotámico, ata agora considerado o máis antiguo do mundo.
Clica na imaxe se queres coñecer máis detalles desta noticia.

Hoxe é...

Por que medimos o tempo en semanas, meses e anos? A propia evolución da especie fai que o home, busque a maneira de contar o tempo. Tratábase de predicir as distintas estacións para poder cultivar as terra, facer as guerras,...Non tiñan nin a información nin os instrumentos de medición que temos agora pero foron axustando, facendo unha mestura entre realidade e relixión.  
Aquí tes unha visión xeral dos calendarios usados nas distintas civilizacións: os exipcios, mesopotámicos,...
Para o que utilizamos nós, o gregoriano, engadimos, máis abaixo, unha presentación especial.

Que día da semana naciches?

Foi luns? Foi sábado? Ao mellor non é unha cuestión importantísima pero o caso é que a un monxe, no século XIX, preocupoulle o suficiente para adicar o seu tempo a inventar unha fórmula que permite sabelo.